AGAEDES

A disparatada decisión da CIUG sobre as ponderacións das materias de economía do bacharelato.

(cronoloxía e documentos de todo o sucedido, ao final desta noticia)

A Comisión Interuniversitaria de Galicia publicou a finais do curso pasado un documento no que se establecen as ponderacións que se asignarán ás materias de bacharelato nos exames das PPAU do curso 2009/10.

Á materia de “economía da empresa” asígnaselle a ponderación mínima (0,1) en tódolos casos (mesmo para os graos de economía e ADE). Sorprendentemente en tódolos graos de economía e ADE de Galicia, entre as materias ás que se lle asigna a máxima ponderación, están química, bioloxía, física, ou xeografía.

É unha decisión totalmente falta de sentido. Con isto, un alumno que curse química, bioloxía, física, ou xeografía, se se examina nas PPAU desas materias, esa nota vai ter o dobre valor (0,2), que se se examina de “economía da empresa”.

¿Cáles son entón as competencias que ten que ter un alumno cando chega a unha facultade de económicas?.

Señores da CIUG, recordámoslles que o 27 de marzo de 2009 a Conferencia de Decanos de Economía e Empresa (CONFEDE), acordou recomendar ás autoridades educativas de toda España, a ponderación 0,2 na fase específica na materia “Economía da Empresa”.

¿A opinión dos decanos das facultades de economía e empresa non conta nada para vostedes?. Para nós conta e moito.

DATA

ACTUACIÓNS

Febreiro A CEAPES (Confederación estatal de asociacións de profesorado de economía en secundaria), envía unha carta de protesta á CIUG, amosando o malestar do resto das asociacións do estado español, por esta decisión

Xaneiro Os socios de AGAEDES inician unha campaña de envío masivo de correos electrónicos de protesta á CIUG

9 decembro

O presidente e a Vicepresidenta de AGAEDES reúnense co Conselleiro de Educación Don Jesús Vázquez Abad, e co Director Xeral Don Jose Luís Mira Lema, para facerlle chegar o noso malestar por toda esta situación, e para pedir o apoio da Consellería.

Primeiro Trimestre AGAEDES segue a recibir cartas de varios decanos, en contra desta actuación da CIUG

24 xullo

AGAEDES envía cartas informativas aos decanos de facultades que imparten graos da área de CC Sociais, informándoos da estrutura do bacharelato, e do currículum das materias de economía.

Infómaselles que se fará pública entre o profesorado de economía, a listaxe das facultades que soliciten sobreponderar a nosa materia, de cara a que podamos orientar axeitadamente ao noso alumnado de cara a que continúen estudos naqueles graos nos que se valoren positivamente as competencias que traballamos.

Irase facendo público nesta web

20 xullo

AGAEDES envía cartas informativas ao Secretario Xeral de Universidades, ao Director Xeral de Educación, e ao Presidente da OEE

20 xullo

AGAEDES contesta á CIUG rebatetindo e xustificando, un por un, tódolos argumentos dos que esta institución se vale para xustificarse. Documento

9 xullo

AGAEDES recibe o apoio de varios decanos. Carta do Decano de socioloxía da Universidade da Coruña. Documento

9 xullo

A CIUG contesta a AGAEDES explicando os motivos, desestimando as nosas peticións, e restándonos representatividade. Documento

7 xullo

AGAEDES envía cartas informativas aos decanos de facultades que imparten graos da área de CC Sociais

2 xullo

O "Correo Gallego" faise eco desta noticia. Documento

30 xuño

AGAEDES envía un escrito de protesta á CIUG, e cartas informativas ao Conselleiro de Educación, e ao director do grupo de traballo de economía da CIUG. Documento

29 xuño

A CIUG remite aos centros o documento das ponderacións. Documento

A disparatada decisión da CIUG sobre as ponderacións das materias de economía do bacharelato.

Mensaxe 1

Mensaxe 2

Mensaxe 3

Mensaxe 4